Me rritjen e fluksit të ardhjes së emigrantëve shqiptarë që jetojnë në Itali gjatë muajve të verës, ka lindur një problematikë që ka të bëjë me siguracionet e makinave.
Vetëm gjatë muajit që po lëmë pas, Policia Rrugore shqiptare ka konstatuar 16 raste kur siguracionet e prera në Portin e Barit në Itali kanë rezultuar të falsifikuara.
Personat që posedonin këto siguracione kanë deklaruar se i kanë blerë ato nga persona që ishin prezantuar si të autorizuar për të prerë siguracione ndërkombëtare, por që në të vërtetë kanë rezultuar mashtrime me qëllim përfitimi.
Kjo problematikë pranohet edhe nga vetë Drejtori i Përgjithshëm i Policisë së Shtetit, i cili deklaroi se rastet po verifikohen në bashkëpunim me palën italiane./Opinion.al
