Sidni Hoxha ka arritur të dalë i pari në baterinë e tij gjatë konkurimit në Lojërat Olimpike të Rios, por pa marr dot medalje.
Ai është eleminuar në garën 50 m stil i lirë, ku ndodheshin gjithsej 11 bateri duke zënë vendin e 41, në klasifikimin e përgjithshëm.
Gjatë këtyre ditëve trajneri i tij Shpëtim Hoxha hodhi akuza të forta ndaj Komitetit Olimpik Kombëtar Shqiptar për papërgjegjshmëri dhe neglizhencë. Ai tha se notari nuk u përfshi në garën e 100 m stil i lirë më datën 9 gusht për faktin se përfaqësues të KOKSH-it nuk u paraqitën për regjistrimin e emrit të tij. Një tjetër denoncim i bërë nga trajneri Hoxha ishte dhe gabimin që sipas tij është bërë me kohën e Sidnit nga 22.93, në 29.93.
