Prindërit e një vogëlusheje 6-vjeçare e kanë trajtuar sindromën e saj të pa diagnostikuar në tru, me vaj kanabisi. Historia e saj i ka habitur të gjithë. Jayla Agbonlahor është vajza e cila e nisi historikun e gjatë të vuajtes që kur ishte disa ditëshe. Prindërit e saj u tmerruan kur ajo nuk po merrte dot frymë dhe menjëherë e shtruan në spital. Fillimisht doktorët dyshonin për epilepsi, ndërsa në fund nuk arritën të gjenin dot shkakun e vërtetë, por thjesht e diagnostikuan me një problem në tru.
Kjo sindromë bëri që vogëlushja të përfundonte në spital çdo 3-4 javë me dhimbje të forta. Kohët kalonin dhe ajo nuk ishte në gjendje të fliste, ecte apo as të ushqehej. Me anë të një tubi në stomak ajo merrte ushqimin e nevojshëm.
Nëna e vajzës nuk mund ta përballonte më këtë vuajtje, ndërsa filloi ta mjekonte në mënyrë të fshehtë me vaj kanabisi pasi kishte lexuar të mirat shëndetsore të tij. Ajo filloj të shihte përmirësimet e para, dhe kështu kërkoi leje nga autoritetet britanike që të mund ta blinte ilegalisht këtë lloj “droge”. Në vitin 2015 ajo filloi ta porosite vajin nga Hollanda dhe vajza me kalimin e kohës filloj të ecte dhe të buzëqeshte. Tani që është 6 vjeç, Jayla ka filluar të bëjë një jetë normale dhe prindërit e saj ja dijnë për nder vajit të kanabisit./Opinion.al
