Detaje të reja kanë dalë pas operacionit “Parku” , i cili çoi në arrestimin e 12 personave dhe shpalljen në kërkim të 6 të tjerëve.
Sipas news 24 hetimet kanë nisur rreth një vit më parë, ku policia ka marrë një denoncim nga ish-drejtori i Policisë së Beratit, Shkëlqim Kokonozi, për djegien e dy makinave.
Teksa filluan hetimet për këtë nga pamjet filmike të kamerave të sigurisë u zbuluan Deivid Shuaipi dhe Arnaldo Çiçaj. Por, policia zbuloi se këta persona merreshin edhe me shpërndarjen e lëndëve narkotike. Për këtë arsye, hetimet u shtrinë edhe për trafikun e lëndëve narkotike, duke përdorur edhe dronë e vëzhgim në terren me agjentë, prej ku zbuluan edhe personat e tjerë të implikuar në trafikun e drogës.
Kujtojmë se në pranga për prodhim dhe shitje narkotikësh dhe moskallëzim krimi janë vënë Deivid Shuaipi, Farjon Palushi, Jurgen Halitaj, Ismail Gurra, Denard Buci, Josif Ceka, Oltion Doku, F. S (i mitur), L. D (i mitur), Fabian Pitani, Doris Murati dhe A. Ll.
Ndërsa, në kërkim janë shpallur, Arnaldo Çiçaj, Ergest Mema, Frenkli Sorra, Redi Palushi, Aleksandro Maliqaj dhe R. D. Këta persona merreshin me shpërndarje të lëndëve narkotike në zonën e ish-Parkut, në rrugën “Ndre Mjeda” dhe “Frosina Plaku”.
