Detaje të reja janë zbuluar nga ngjarja e rëndë e ndodhur mesnatën e djeshme në Tiranë, ku mbeti i vrarë me armë zjarri 29-vjeçari, Jurgen Duka.
Sipas raportimeve Duka dhe shoku i tij O.D., kanë hyrë në market dhe pas një debati, ka filluar një konflikt me një person tjetër të paidentifikuar ende.
Sherri ka agravuar deri në përdorimin e armës së zjarrit pasi autori ende i paidentifikuar ka qëlluar Dukën duke e lënë fillimisht të plagosur, ndërsa më pas 29-vjeçari është transportuar në spitalin e Traumës, ku ka ndërruar jetë si pasojë e plagëve të marra.
Nga verifikimet e kryera rezulton se viktima është person me precedent të mëparshëm kriminal.
Ndërkohë grupi hetimor ka sekuestruar prova materiale në vendngjarje që shërbejnë për të identifikuar autorin. Është marrë në pyetje shoku i viktimës dhe persona të tjerë që kanë qenë të pranishëm. Ndërkohë vijon puna për identifikimin dhe kapjen e autorit./Opinion.al
