Ramon Cristobal Santoyo, i cilësuar nga mediat italiane si një prej drejtuesve të Kartelit të Sinaloas, dhe krahu i djathtë i El Chapos është arrestuar këtë të hënë në kryeqytetin italian në aeroportin “Fiumicino”, aty ku po merrte një avion transit për në Paris për të mbërritur më pas ne Meksikë.
I ashtuquajturi “Doktor Wagner”, ishte shpallur në kërkim ndërkombëtar që prej vitit 2016 dhe njihet si një prej organizatorëve të trafikut të drogës nga Meksika drejt Shteteve të Bashkuara.
SHBA ka kërkuar menjëherë ekstradimin e tij drejt vendit të tyre, aty ku ortaku i tij, Joaquin Guzman po vuan dënimin me burgim të përjetshëm.
Sipas “Il Messaggero” mbi 43-vjeçarin rëndojnë akuzat e trafikut të drogës dhe pastrimit të parave, për të cilat edhe ai mund të dënohet me burgim të përjetshëm./Opinion.al
