Për vite me rradhë një vrasës serial dhe përdhunues që traumatizoi të gjithë shtetin e Kalifornisë, duke kryer të paktën 12 vrasje, kishte mbetur anonim. Për familjet e viktimave, duke mos ditur se kush i ka kryer krimet kishte shkaktuar dëmtime të vazhdueshme emocionale. Por gjithçka ndryshoi më 24 prill 2018.
“Në një arrestim të ekzekutuar në mënyrë të përsosur, detektivët arrestuan Joseph James DeAnngelo, 72 vjeç,” tha Scott Jones, sherifi i Qarkut Sacramento, në një konferencë shtypi.
Ai besohet të jetë përgjegjës për 12 vrasje, 45 përdhunime dhe më shumë se 120 vjedhje midis viteve 1976 dhe 1986. Një seri përdhunimesh në një zonë në lindje të Sacramento në vitin 1976 ranë në sy të autoriteteve së pari për shkak të afërsisë së tyre dhe përshkrimit të ngjashëm të përdhunuesit, një burrë i bardhë, me flokë të thinjura, që bënte të njëjtat rituale sadiste ndaj viktimave të tij. Viktimat e tij ishin gratë e vetme në shtëpi dhe gratë që ndodheshin në shtëpi me fëmijët e tyre. I dyshuari më pas vazhdoi të përdhunonte gratë para burrave të tyre e më pas i vriste të dy.
Për vite me rradhë çështja hetohej nga FBI, por asnjë provë nuk i coi te vrasësi i vërtetë. FBI-ja e risolli cështjen në kujtese dhe ofroi një shpërblim prej 50,000 dollarë për informacione për vrasësin. Njeriu i parë që e drejtoi FBI-në drejt tij ishte e mbesa e vrasësit. Ai u arrestua pas studimit të ADN-së së tij.
Në një interviste në “The Los Angeles Times”, Jennifer Carole, vajza e dy prej viktimave, Lyman dhe Charlene Smith, tha se ajo kishte menduar se personi i cili i vrau babanë dhe njerkën që e kishte rritur, kishte vdekur ndoshta shumë vite më parë. Zbulimi se ai jetonte dhe gjendej krejt afër saj, ishte dërrmues, por gjithsesi ajo ndihej mirë që ai do të vuante dënimin e tij.
Fqinjët e DeAngelo, të cilin Uashington Post e përshkroi si një “gjysh periferik”, thanë se nuk kishin parë ndonjë gjë të çuditshme te ai. Ai është babai i tre vajzave dhe gjyshi i disa nipërve e mbesave.
DeAngelo ishte një oficer i policisë në Auburn të Kalifornisë, në vitet 1970, por u pushua nga puna pasi u akuzua për vjedhje. Ai doli në pension vitin e kaluar pasi punoi 27 vjet në një qendër shpërndarjeje./Opinion.al
Burimi: Vintage News
