Të tjera detaje janë zbardhur nga atentati i ndodhur mëngjesin e sotëm në Elbasan, ku mbeti i vrarë Bujar Çela, vëllai i Talo Çelës.
50-vjeçari, i cili punonte si taksist pa licencë, u ekzekutua rreth orës 05:45 të mëngjesit të sotëm teksa ishte ulur në një lokal dhe po konsumonte kafe.
Pikërisht në momentin që konsumonte kafen, autorët e maskuar në fytyrë që e kishin ndjekur 50- vjeçarin erdhën nga rrethrrotullimi i Bradasheshit dhe kanë qëlluar prej cepit të lavazhit deri tek lokali për 50 metra largësi.
Gëzhoja janë gjetur në hapësirën prej 50 metra nga ku qëlluan autorët, teksa plumbat kapën edhe derën e lokalit.
Në vendin e ngjarjes kishte persona të tjerë, të cilët nuk kanë dëgjuar të shtëna armshësh, gjë e cila lë të kuptohet se, autorët kanë përdor armë me sileciantor.
Pak orë më vonë, policia gjeti një makinë të djegur në fshatin Murras, e cila dyshohet se është përdorur në atentatin e mëngjesit të sotëm.
Ndërkohë, autoritetet kanë shoqëruar në komisariat dëshmitarët ku do të rrëfejnë çka ata panë në vendin e krimit./ Opinion.al
