Mikel Kasaj kërceu në tavolinë sapo dëgjoi vendimin e gjykatës për të qendruar në burg për 3 vite e gjysëm. Ai arriti të ikë me vrap nga dyert e gjykatës edhe ende policia nuk ka mundur ta gjejë.
Gjyqtari i tij është Skënder Haluci, njëherësh kryetar i gjykatës së Vlorës. Ai ka reaguar për mediat pas ngjarjes së rëndë, duke deklaruar se institucioni që bën drejtësinë në Vlorë është lënë në mëshirë të fatit. Po kaq thotë ai jeta e gjyqtarëve është e pasigurt.
“E kam kërkuar vazhdimisht dhe e kërkoj me forcë. Dje ka qenë hera e fundit që kam marrë në telefon KLD, gjykata jonë është jashtë çdo lloj parametri sigurie.
Gjithashtu delegohen gjyqtarë në Sarandë, nuk ka asnjë mjet transporti. Kam deklaruar në KLD dhe zyrës së administrimit të buxhetit gjyqësor. Nuk mund të shkojnë gjyqtarët me furgonat e linjave pa asnjë lloj sigurie duke pasur në gjykim çështje të rënda penale”, tha Haluci.
Siguria në institucion dhe mbrojtja e jetës së gjyqtarëve janë në rrezik tha Haluci, duke u kërkuar autoriteteve të marrin masa në mënyrë emergjente.
Pamjet e arratisjes:
