Si t’i përgjigjeni pyetjes: Pse po largoheni nga puna?

Ka shumë arsye pse ju mund të keni dhënë dorëheqjen nga puna juaj e fundit dhe jo të gjitha janë optimiste. Ndoshta ju punuat për një shef toksik, apo hasët pengesa në rrugën tuaj drejt suksesit. Apo thjesht u mërzitët me punën tuaj.
Kur një intervistues ju pyet se pse doni të largoheni nga puna aktuale, ai ose ajo kërkon ‘të kuptojë motivet dhe të marrë informacione se si ju i menaxhoni marrëdhëniet në punë” – thotë Duncan Mathison, autor i “Unlock the Hidden Job Market: 6 Steps to a Successful Search When Times are Tough”. “Në veçanti ata pyesin veten: ‘A do të na lënë ata në baltë nëse janë të pakënaqur’ apo ‘A ka ndonjë gjë që nuk shkon këtu?’
Shkurtimisht, pyetja se pse po e lini punën tuaj të fundit, është një mënyrë për t’u siguruar se ju jeni një person me integritet.
Si t’i përgjigjeni pyetjeve të tilla
Strategjia më e mirë për t’ju përgjigjur në mënyrë efikase një pyetje të vështirë është të jeni të përgatitur për këtë.
Ja si të jeni gati dhe si të fitoni terren kur nuk jeni i tillë.
Nxirrni në pah rezultatet
Çfarë të thoni: Përqendrohuni te rezultatet: Bëni një listë të të gjithë rezultateve që keni arritur në pozicionin tuaj të fundit dhe fokusoni tek ato, duke e përfunduar diskutimin me diçka të tillë: Pasi kam përmbushur me sukses këto objektiva, jam gati për një sfidë të re” – këshillon Stephen Balzac, president i “7 Steps Ahead”, një shoqëri për konsulencën e kompanive në Stow, Massachusetts. Në këtë mënyrë ju jeni duke i thënë intervistuesit: ‘Ju mund të mbështeteni tek unë për të arritur rezultate dhe të qëndroni këtu deri sa të jem këtu’.
Çfarë nuk duhet të thoni: Të përgjigjeni në një mënyrë që nuk e qetëson intervistuesin: “Përgjigje si: ‘Puna nuk ishte sfiduese’, ‘Puna nuk ishte më interesante’, ‘Paga ishte shumë e ulët’ – të gjithë thonë të njëjtën gjë. Këto i lënë të nënkuptojnë intervistuesit se ju mund mund t’i lini në çdo moment gjërat që nuk ju pëlqejnë më – thotë Balzac.
Jini të sjellësh
Çfarë të thoni: Mos harroni që janë punëdhënësit ata që drejtojnë kompaninë dhe veprojnë ashtu si e shohin të arsyeshme – thotë Mathison.
Megjithatë, në të njëjtën kohë, bëni të qartë se kompania që po kërkoni ka cilësitë për të vepruar në një nivel më të lartë, shton Mathison.
Një shembull: “Ne të gjithë e dimë se, ndonjëherë, premtimet janë më të mëdha se sa realiteti.
Drejtuesi ynë ishte i sigurt, si shumë të tjerë, në arritjen dhe kapërcimin e limiteve. Por mendoj se marrëdhëniet e qëndrueshme të biznesit dhe përfitimet ndërtohen në bazë të aftësisë për të mbajtur premtimet, kështu që po shikoj për një kompani të tillë”.
Çfarë nuk duhet të thoni: Të flisni keq për drejtuesin apo kompaninë. Kjo mund të nënkuptojë që ju mund të jeni një punonjës i vështirë për t’u menaxhuar.