Dashi
Mos nxitoni kaq shpejt t’i thoni 2019-ës “s’kam më punë me ty”! Ti je gjithmonë gati të hidhesh drejt gjësë së re, por ky 31 dhjetor do t’ju gjejë duke medituar. Mblidhu me disa shokë të vjetër dhe nisni të bisedoni për gjithë çfarë ndodhi këtë vit, ose këtë dekadë…Sigurisht që ka patur njerëz që të kanë lënduar, por para se t’i hedhësh pas krahëve, kujto mësimet që nxorre. Ta nisësh 2020-ën me muzikë është shumë e rëndësishme! Nëse s’ke pronetuar gjëkundi, bëj një playlist me këngët e tua të preferuara dhe bëj një festë të madhe në shtëpi.
Demi
Si qytetar i botës që ndihesh gjithnjë, bëji një telefon njerëzve që të kthejnë humorin dhe dëshirën për të jetuar dhe organizo një udhëtim të vogël. Dekada e re duhet të të gjithë në një vend të bukur, me shoqëri të mirë dhe sigurisht me ushqim cilësor.
Binjakët
Vish xhaketën me më shumë shkëlqim që ke dhe bëj çfarë di të bësh më mirë. Viti i Ri duhet t’ju gjejë sensualë teksa degustoni pjatën e preferuar të shefit dhe shampanjën franceze. Ke lindur për të qenë mes VIP-ash! Nëse je në një lidhje, ndalo një moment për t’ja dedikuar atij dhe shfaquni si “poëer couple”. Ata që janë vetëm, të mos e humbasin kohën me biseda të vogla. Hapni sytë përreth sepse është dikush që ja vlen!
Gaforrja
E dini që 1 janari mund t’ju gjejë në një destinacion që as vetë nuk e prisnit? Ajo festa në shtëpi që planifikove, mund të anullohet momentin e fundit. Sido që të jenë koordinatat, ti do të jesh shpirti i festës. Mund të jesh gjithë natën ai shpirti i pavarur që je, por kujto që atë mbrëmje do të kesh disa përgjigje për të dhënë.
Luani
Një festë të madhe me fishekzjarrë pret apo jo? Nëse ke dikë të veçantë do të jetë një mbrëmje “vetëm për dy”, por kjo s’do të thotë të flesh që pas 12-ës. Edhe pse shtëpia është shumë e ngrohtë për të dalë, vish diçka të bukur dhe shko jashtë asaj dere! Luanët beqarë mund ta gjejnë veten nëpër shtretër të panjohur.
Virgjëresha
Në shtëpi! Bëj një festë private dhe kalo pak kohë cilësore me njerëzit që do. Si Virgjëreshë që je, do ta shijosh shumë procesin para-përgatitor që do të thotë: ushqimet, yllin që ra nga pema e Krishtlindjes, veshjet që do të zgjidhni dhe çdo detaj tjetër. Nëse je vetëm dhe u mërzite brenda, bëj një shëtitje në mesnatë. Dikush po të pret aty jashtë dhe s’mund të tregohesh aq e pasjellshme sa për ta eleminuar si mundësi.
Peshorja
Do t’ja lësh veten në dorë momentit, por e rëndësishme është që do ta shijosh atë mbrëmje. Bashkë me skuadrën tënde të qejfit do të niseni drejt festës së zhurmshme, por para kësaj ju pret një drekë e këndshme. Mos harroni ta llastoni pak veten me ndonjë masazh a trajtim lëkure.
Akrepi
Rezervo në një sallon bukurie dhe prit të kalosh Vitin e Ri më me xixa që ke përjetuar ndonjëherë. Harroje aparatin dhe fotot dhe shijo momentin. Flirto dhe mos mendo dy herë për të kërcyer. Të dashuruarit do të kalojnë një mbrëmje më shpirtërore, të mbushur me drita të lezetshme, qirinj, lule dhe shampanjë.
Shigjetari
Këtë Vit të Ri kalojeni në privatësinë tuaj. Mund të jetë nja darkë e thjeshtë me miqtë më të ngushtë apo një festë shtëpie. Gatuani vetë dhe ndërkohë që e bëni meditoni paksa. Sapo 2020-ta të hyj, një vend me muzikë live do të ishte perfekte për ju.
Bricjapi
Hyr në 2020-ën si shpirt i lirë. Mos mendo si i ke flokët apo çfarë muzike e keqe po luhet. Shko në barin tënd të preferuar dhe çliroje veten. Edhe nëse ke planifikuar diçka, lëshoja veten spontanitetit. 2020-ta është realiteti yt i ri!
Ujori
Mos e presiono shumë veten. Nuk ke pse të jesh ti shpirti i festës këtë vigjilje. Lër Bricjapët ta bëjnë këtë për ty. Ju duhet një shtëpi e ngrohtë, shokë të mirë, ushqim dhe lojëra. Nuk është habi që pas kësaj të shohësh një film të mirë, vetëm mos harro të pish një kafe. Do të ndihesh paksa përgjumësh atë ditë. Hyrja drejt 2020-ës, si rrallëherë do të jetë e qetë.
Peshqit
Ky Vit i Ri ka emrin tuaj të shkruar kudo! Çfarëdo që të kesh veshur atë natë, do të rrëmbesh vëmendje. Shmang vendet me turma të mëdha njerëzish dhe kërce me miqtë më të mirë që ke.
