Një ngjarje e denjë për skenar filmi është ajo që ka bërë bujë së fundmi në mediat turke.
Në qendër të saj është ish-mbrojtësi i Kombëtares turke të futbollit, Emre Ashik dhe bashkëshortja e tij Jamgur.
Ata u martuan në vitin 2012 dhe kanë tre fëmijë. Megjithatë, jeta e tyre në çift nuk ka qenë edhe aq e lumtur. Përkundrazi, bashkëshortja e futbollistit kishte një lidhje jashtëmartesore me një person tjetër.
Por ky nuk është fakti më i rëndë. Siç raportohet në shypin turk, Jamgur Ashik po mendonte të përfitonte nga trashëgimia e burrit të saj duke planifikuar vdekjen e tij.
Fillimisht Jamgur i kërkoi të dashurit të vrasë bashkëshortin, por siç i ka treguar ai vetë policisë, kjo nuk ishte e mundur. ”Ajo një ditë mori një copë mishi dhe më urdhëroi t’i qëlloja me pistoletë, por unë mbyllja sytë nga frika, dhe më tha që nuk isha gati”, deklaroi ai.
Kjo nuk e ndali bashkëshorten e Emre, e cila gjeti një vrasës të cilit i premtoi rreth 1 milion dollarë për të vrarë dhe më pas zhdukur trupin e burrit.
Por edhe ky i fundit refuzoi, madje i rrëfeu çdo gjë ish-mbrojtësit të Gallatasarait dhe Beshiktashit. Pendesa e vrasësit profesionist lidhet me faktin se ai ishte tifoz i futbollit dhe e njihte ish-mbrojtësin e kombëtares. /Opinion.al
