Brad Pitt dhe Charlize Theron janë takuar rreth gjashtë muaj më parë gjatë disa xhirimeve për një reklamë, por nuk janë të lidhur.Kështu raporton revista “People” pas thashethemeve që dolën fillimisht në revistën “The Sun” për një marrëdhënie romantike midis dy aktorëve.
“The Sun” shkroi disa ditë më parë se Brad Pitt dhe Charlize Theron janë në një lidhje intime e cila nisi pasi Brad Pitt dhe Charlize Theron xhiruan një reklamë për markën Breitling.
Kujtojmë se Brad Pitt ka mbajtur një profil të ulët në jetën romantike që nga ndarja me Angelina Jolie-n në shtator 2017. Ai u përfol për një lidhje me profesoren e MIT, Neri Oksman në mesin e vitit 2018, ndonëse arkitektja më vonë mohoi të kishte pasur ndonjë romancë mes të dyve.
Ndërsa Theron i dha fund fejesës së saj me Penn në vitin 2015 dhe prej atëherë është fokusuar më tepër në karrierë. Ajo ka luajtur në disa filma gjatë këtyre viteve përfshi këtu, “Atomic Blonde”, “Fate of the Furious” dhe “Tully” në vitit 2018, për të cilin u nominua për Golden Globe./E.M
