Pas dhënies së shtetësisë shqiptare për Kryepeshkopin e kishës Ortodokse Janullatos ka folur publikisht në media presidenti i vendit Ilir Meta.
Në fjalën e tij përpara mediave në përfundim të vizitës në kishën Ortodokse, presidenti ka shpejguar arsyet që e çuan drejt këtij vendimi.
“Përgjigjen më të mirë e ka dhënë Fortlumturia e tij me shprehjen si “puna e verës”. Ky është një moment shumë pozitiv i shprehjes së mirënjohjes. Kjo është një vepër të madhe që e ka krijuar me përkushtimin e tij të jashtëzakonshëm duke ngritur nga hiri, Kishën Ordodokse Autoqefale të Shqipërisë me një infrastrukturë të jashtëzakonshme. Shikoni Katedralen përballë, që nuk ekzistonte. Janë investimi i tij, frymëzimi i tij për të krijuar vlera të shkëlqyera”- u shpreh Meta.
Po të kemi parasysh faktin që shtetësia greke e Kryepeshkopit ka qenë shpesh një argument debatesh mediatike, Meta është pyetur nga mediat nëse ky vendim i tij vjen për shkak të deklarates së dhënë prej vetë Janullatosit se pasardhesi i tij do te jete nje shqiptar.
“Dua të theksoj se lidershipi i tij në krye të kësaj kishe ka qënë një mundësi e shkëlqyer jo vetëm për Kishën Autoqefale të Shqipërisë duke e afirmuar në gjithë botën ordokse, por duke e promovuar Shqipërinë si një vend me vlera të harmonisë fetare. Fortlumturia e tij gjithnjë ka predikuar për harmoni. Kjo lidhet me vepren e tij dhe sikurse u shpreh se vera sado më e vjetër të jetë aq më shumë ka, ashtu edhe aq sa më shumë vite të kalojnë nga sot, aq më shumë do të rritet vlera e tij në funksion të bashkëjetesës dhe harmonisë fetare”, tha presidenti.
