Pritet që vendi ynë sot të përfshihet nga moti i paqëndrueshëm, ku më e dukshme do të jetë në zonat qendrore dhe veriore, duke gjeneruar reshje të paktë.
Lajda Porja, Meteorologia e Meteoalb, bën me dije se ditën e martë pritet që të ketë ndërprerje të reshjeve dhe rikthim të kthjellimeve në territor.
Ditën e enjte do të kemi sërish rikthim të vranësirave , kryesisht në zonat jugore duke gjeneruar shira të përkohshëm. Ndërsa që nga dita e premte, përfshirë edhe fundjavën pritet përmirësim i dukshëm i motit duke na risjellë mot të kthjellët.
Temperaturat e ajrit kanë pësuar rënie. Parashikohet që dita e martë të sjellë njq rritje të lehtë të tyre. Ndërsa nga e mërkura do të kemi rënie të lehtë të temperaturave, duke i bërë mëngjeset më të ftohta./ Opinion.al
