Eksponentë të PS por edhe deputetë po përpiqen të ironizojnë protestën e Partisë Demokratike të së shtunës. “Piknik me Lulin tek lulishtja e Kryeministrisë” shkruhet në njërën syresh, duke dashur të nënkuptojnë se Lulzim Basha nuk organizon protesta të forta apo nuk shkakton përplasje. Pra sipas PS, PD i thërret njerëzit për piknik dhe jo për protestë.
Këto meme shprëndahen në rrjetet sociale prej dy ditësh jo vetëm nga militantë por edhe nga zyrtarë të mazhorancës. Nuk dihet se çfarë kërkon PR e Partisë Socialiste me anë të këtyre meme-ve, por një gjë është e sigurt që paqen po e vendosin në lojë. Edhe numri 2 i Partisë Socialiste Taulant Balla, e ka shpërndarë në faqen e tij zyrtare në Facebook këtë meme.
Mos ndoshta me anë të këtyre memeve, të cilat indirekt promvojnë dhunën, PS ka si synim përsëritjen e 21 janarit?/Opinion.al
