Gjatë kohës kur nisën protestat masive të shoqërisë civile kundër ndërtimit të këndit të lojërave te Liqeni Artificial i Tiranës, Eljan Tanini ra në sy si një prej aktivistëve më të zellshhëm në këto protesta.
Por protestat u harruan shpejt, madje edhe nga vetë protagonistët sikundër ishte Tanini. Pak para inagurimit të këndit, befas Tanini pësoi një transformim të plotë, duke u bërë palë me kryebashkiakun Veliaj. Ky i fundit e shpërbleu gjoja protestuesin e zellshëm me një çmim nga Bashkia që do të vendosë “një avion” të krijuar nga Eljan Tanini në Fushën e Aviacionit.
Ndërkohë së fundi Eljan Tanini ka marrë një tjetër shpërblim prej Veliajt, bëhet fjalë për një kioskë te liqeni, poshtë këndit për të cilin ai protestoi prej ditësh.
“Nga sot, lumturia ime dhe e një grupi pa gjumë, quhet #LibrAria #books”, shkruan Tanini në faqen e tij në Facebook.
Ky rast shërben për të treguar sërish përpjekjet e Erion Veliajt për të blerë përfaqësues të shoqërisë civile ose ilustron thjesht faktin se Eljan Tanini ka qenë i përdorur nga kryebashkiaku i Tiranës për protestat tek liqeni.
Të njëjtën skemë e ka përdorur edhe Edi Rama kur ishte kryebashkiak. Kujtoni protestat e Erion Veliajt kundër Fatos Nanos dhe PS-së që ishte atëhere në pushtet.
Më pas kur Rama mori PS-në, Veliaj u katapultua në radhët e socialistëve. Më poshtë po sjellim disa foto nga protestat e para disa kohëve të Eljan Taninit te parku, për të vijuar më pas me foton ku shihet teksa i shtrëngon dorën Erion Veliajt dhe së fundi foto e kioskës që ka marrë te liqeni si shpërblim i radhës prej kryebashkiakut.
