Ditën e sotme territori shqiptar do të mbetet me kthjellime dhe vranësira të shpeshta gjatë orëve të para të ditës. Por, mesdita dhe në vijim sjell shtim të vranësirave në pjesën më të madhe të vendit duke bërë që zonat malore të kenë prezencë të shirave të karakterit lokal.
Temperaturat e ajrit do të pësojnë rritje në të dy vlerat ekstremale ditore duke u luhatur nga 13 grade deri në 32 grade.
Era do të fryjë mesatarisht me shpejtësi 35 km/h në drejtim Veri-Veriperëndimor duke krijuar në brigjet detare dallgëzim 3 ballë./ Opinion.al E.Xh.
