Një debat për motive të dobëta përfundoi me tre të vrarë dhe një të plagosur në fshatin Shëlli në Macukull të Matit.
Viktimat, punëtorë që prej disa ditësh po hapnin rrugën mes Shëllisë dhe Shqefnit dy fshatra të thella të Macukullit.
Kujtim Koxha, banor i fshatit Shëlli, 51 vjeç që u kap nga policia duke ikur, debatoi me viktimat e me pas mori një armë kallashnikov dhe i qëlloi ndërsa po pushonin në kohën e drekës në një lokal në fshat.
Një nga viktimat humbi jetën direkt ndërsa i dytë gjatë transportit për në spital. Kurse i treti ka humbur jetën në spitalin e Traumës në Tiranë. Mësohet se i plagosuri ndodhet jashtë rrezikut për jetën.
