Një pedagog në Universitet thotë se është dhunuar në komisariatin e Lushnjës. Sipas një mesazhi që ka dërguar tek ish-kryeministri Sali Berisha, i cili e ka bërë publik, ai thotë se shkoi për të bërë një denoncim por është rrahur barbarisht.
Madje, sipas denoncimit është tërhequr zvarrë brenda ambienteve të komisariatit.
“Ditën e shtunë kam shkuar në komisariatin e Lushnjës për të bërë kallëzim pasi me ishte bllokuar rruga në të çilen hyj në banesën time. Pasi kam hyrëe në ambientet e Komisariatit jam rrahur barbarisht, me grushte në kokë dhe në pjesë të tjera të trupit dhe jam tërhequr zvarre për 20 metra brenda ambienteve të komisariatit”, thotë pedagog në denoncim, duke identifikuar dhe efektivin që e dhunoi si Bledar Levonja, me pozicion polic krimesh.
Ku i fundit është bërë pjesë e policisë gjatë viteve 2013-2015, pasi ka bërë shkollën bazë të Policisë. Opinion.al kontaktoi me Drejtorinë e Policisë së Fierit për rastin, ndërsa thanë se po hetojnë rastin duke parë dhe kamerat e sigurisë si dhe procesverbalet./ Opinion.al
