Ulsi Manja ka thënë se do të ndërmerren hapa konkretë për ndryshimin e Kodit Penal, siç u paralajmërua një ditë më parë nga kryeministri Edi Rama. Kreu i Komisionit të Ligjeve ka thënë në “News 24” mazhoranca do të bindë edhe deputetët e opozitës që të votojnë ashpërsimin e Kodit Penal, pasi duhen 84 vota.
“Do te ketë ndryshime në Kodin Penal, ashtu siç është bërë me dije më herët. Ne do të përpiqemi të bindim edhe deputetët e rinj që të votojnë pro ndryshimeve, sepse duhen 84 vota. Ndryshimet në Kodin Penal do të bëhen për të shtuar ligje dhe për të hequr disa të tjera. Do të shtohen gjithsej 17 vepra të reja penale dhe disa të tjera do të hiqen. Për shembull do të hiqet vepra penale që ka të bëjë me gabimin mjekësor, ndërsa do të dënohet sigurisht neglizhenca e mjekut. Sa i përket dhunës ndaj policisë, me paketën e re të ndryshimeve në Kodin Penal, kush godet punonjësin e policisë, dënohet me burg, është apo jo në protestë. Ligji i ri parashikon se kush godet punonjësit e policisë dënohet 1 deri në 3 vjet burgim. Kjo do të thotë se burgu është i pashmangshëm. Me këtë paketë të re ligjesh, do t’iu jepet mbrojtje e veçantë punonjësve të policisë dhe të gjithë zyrtarëve të shtetit”, ka thënë Ulsi Manja./Opinion.al
