Me kalimin e kohës femrat dhe meshkujt përjetojnë ndryshime të shumta në aspektin seksual.Potenca seksuale si te meshkujt ashtu edhe te femrat evoluon. Dëshirat seksuale ndryshojnë, gjithashtu edhe zakonet, preferencat, apo edhe nevojat.
Por jo gjithmonë partnerët janë të aftë t’i pranojnë këto ndryshime. Te meshkujt problemet janë performanca e ulët seksuale, gjë që i bën femrat të ndihen keq me veten për shkak se mendojnë se problemi mund të jenë vetë ato.
Por edhe femrat kanë ndryshimet e tyre. Me kalimin e kohës, orgazma bëhet gjithnjë e më e vështirë për shkak se kërkojnë mënyra të tjera për ta arritur.
Kriza e moshës së mesme te meshkujt:
Meshkujt e arrijnë potencën seksuale në moshën 17-18 vjeç. Në atë moshë, seksi është e vetmja gjë që mendojnë. Në fund të 20-ave, meshkujt fillojnë të mendojnë më pak për seksin, pavarësisht “talenti” i tyre sa vjen dhe përmirësohet.
Mosha 40 është momenti kur meshkujt fillojnë të përballen me ndryshime drastike. Mendimet erotike, dhe fantazitë e shfrenuara fillojnë të zbehen. Duhet simulim shumë më i madh për të arritur ereksion, ejakulimi është vështirësi më vete ndërsa orgazmat janë më pak intensive.
Këto ndryshime shkaktojnë shpesh ankth dhe pasiguri. Meshkujt fillojnë t’i drejtohen pilulave simuluese për të qenë më të sigurt në seksualitetin e tyre.
