Ergi Dini, këngëtari i ri i talentuar dalë nga studiot e XFactor në Tv Klan humbi jetën tragjikisht mbrëmë bashkë me shokun e tij Kejdi Halili 21 vjeç.
Ngjarja ndodhi mbrëmjen e djeshme në bulevardin “Bajram Curri” aty ku lidhet Blloku me Unazën, përballë Taivanit.
Nga burimet pranë policisë së Tiranës mësohet se dy të rinjtë kanë qenë duke dalë nga zona e Bllokut dhe pranë urës motori tip Yamaha është përmbysur.
21-vjeçari Kejdi Halili ishte drejtuesi i motorit me targa “AP 105 dhe 22-vjeçari Ergi Dini, që ishte pasagjer.
Dyshohet se nuk ka qenë shpejtësia ajo që u ka marrë jetën dy 20 vjeçarëve por një manovër e gabuar. Sipas dëshmitarëve, drejtuesi i motorit i kanë dhënë gaz, duke ngritur gomën e parë në ajër. Ky moment ka qenë fatal, pasi Ergi dhe Kejdi kanë rënë mbrapsht, duke marrë plagë të rënda në kokë. Ata kanë ndërruar jetë disa minuta më pas në spitalin e Traumës.
Po kështu dy të rinjtë udhëtonin pa kasa ç’ka dyshohet se është një shkak tjetër i pasojave fatale për ta.
Ergi Dini ishte këngëtar i talentuar dhe arriti të fitojë edicionin e tretë dhe të fundit të XFactor Albania në sezonin 2014-2015. Edhe pse i ri ai ishte bërë një zë i dashur për publikun.
*Foto: Ergi Dini, Kejdi Halili
*Foto e aksidentit
