Bashkëshortja e 60-vjeçarit Agim Arapi i cili u vra pas një konflikti në dyqanin e tij në Durrës muajin e shkuar, shprehet se është tallur nga Jurgen Kurti.
Kujtim dhe Konstandin Ekonomi, të cilët akuzohen për vrasjen janë arrestuar nga policia dhe më pas janë lënë nën masën e arrestit me burg nga Gjykata e Durrësit. Ndërsa Jurgen Kurti, që shoqëronte Kujtimin dhe Konstandin është lënë i lirë pas shoqërimit në polici.
Sipas policisë ai nuk ka gisht në krim, por bashkëshortja e viktimës thotë se ai është përgjegjës për vrasjen e burrit të saj dhe kërkon burgosjen e Kurtit.
“Kërkova ndihmë dhe nuk ma dha njeri. Jurgeni më del mbrapa dhe më tall. Çfarë bëmë?! Ta vramë!“, shprehet ajo për “Ora News”.
Vjollca Arapi ka hedhur akuza, se prokuroria nuk po i merr në shqyrtim provat filmike të fiksuara nga bizneset përreth.
“Unë dua drejtësi. Ata të tre e kanë vra. Unë hak nuk marr. Haku për mua është drejtësia dhe Zoti, sepse ma kanë vrarë të tre burrin, ma kanë masakruar”, shprehet ajo.
