Marko Kepi, Presidenti i “Albanian Roots”, ka folur për “Opinion” në Tv Klan në lidhje me Paradën e Shqiptarëve që këtë vit për herë të parë u zhvillua në Tiranë me rastin e 111-vjetorit të Pavarësisë.
Kjo paradë çdo vit organizohet në New York. Por si lindi ideja për ta mbledhur në Shqipëri? Kepi tregoi se gazetari Blendi Fevziu teksa ka marrë pjesë në paradën e zhvilluar në New York ka hedhur idenë që ajo të realizohet edhe në Shqipëri.
Pyetje: Si lindi ideja për t’i mbledhur?
Marko Kepi: Ishte sivjet në Qershor kur Blendi Fevziu, më duket kishte pak emocione nga parada, se ai ka emocione ndryshe atje, ne i kemi ndryshe këtu. Tha sikur ta biem edhe në Shqipëri.
Kepi tha se shpreson që parada të bëhet edhe në qytete të tjera. Po ashtu ai kishte një kërkesë për shtetin shqiptar, të Kosovës dhe përfaqësuesit shqiptarë në Maqedoninë e Veriut dhe Mal të Zi.
“Në Qershor do ta mbajmë në New York, nuk e ndërrojmë atë, por për 28 Nëntor kemi dëshirë ta bëjmë si maratonë në qytete të tjera shqiptare. Do i lutesha shtetit shqiptar, shtetit të Kosovës, shtetit të Maqedonisë, dhe të Malit të Zi që janë në pushtet dhe qeveri që siç i kanë sjellë grupet në Tiranë sot, t’i sjellim edhe në Neë York. Me të vërtetë këtu jemi krenarë dhe kemi gjithë patriotizmin, por këtu shohim njëri tjetrin, kurse në Neë York do ishte mrekulli që kombet e ndryshme siç janë atje me miliona njerëz ta shohin vërtetë bukurinë shqiptare. 15 vite jemi vullnetarë, jemi munduar të bëjmë sa kemi mundur në mënyrë vullnetare, por me ndihmën e shtetit, kjo paradë siç ishte kështu sot në Tiranë do jetë një nga paradat më të bukura në botë nëse bëhet në Neë York”, tha ai.
