Shumë tifozë apo bastexhinj besuan se Juventus mund ta kthente rezultatin në “Bernabeu” ndaj Realit të Madridit dhe guxuan që ta luanin ndeshjen 0-3 për bardhezinjtë.
Penalltia e dyshimtë në fund në favor të Realit tërboi jo vetëm drejtuesit e “Zonjës së Vjetër” por edhe bastexhinjtë, të cilët iu afruan shumë rezultatit që parashikuan.
Por një lajm i mirë vjen për këta të “dëshpëruar”. Të gjithë ata që guxuan që të vendosin fitoren e Juves në Madrid me të njëjtat shifra (3-0), do të rimbursohen nga kompania e basteve “Snai”, shkruan “PremiumsportHD”.
Të paktën ky ishte ngushëllimi i vetëm për ata tifozë, që përveç eliminimit dramatik të skuadrës së tyre nga Champions-i, humbën edhe kursimet prej golit të Cristiano Ronaldos me penallti.
Rimbursimi i kompanisë bëhet vetëm për ato baste që parashikuan rezultatin e saktë të ndeshjes 0-3.
