Harry dhe Meghan nuk e kanë mbushur ende vitin e parë të martesës, por ndryshimet te Princi janë më se të dukshme. Ai ka adaptuar disa nga zakonet e bashkëshortes së tij, dhe fansat e familjes mbretërore po i dashurojnë ndryshimet. Sot Princi nuk mori pjesë në traditën shumëvjeçare të gjuajtjes. Këtë ai e bëri që të mos mërzisë Meghan-in, e cila është një aktiviste kafshësh.
Duka i Sussex ka marrë pjesë në traditë së bashku me Princ William dhe babain e tyre Charles për më shumë se 20 vite. Për herë të parë, këtë vit ai e anashkaloi. Ai gjithashtu shmangu një ditë gjuajtje në verë, që do të thotë se Harry i ka vënë kapakun traditës.
Por ky nuk është ndryshimi i vetëm që ka pësuar Princ Harry nën ndikimin e Meghan. Mesa duket, edhe ditët e shthurjes në festa kanë marrë fund. Mediat e huaja raportojnë se edhe në festa dhe dasma ku çifti është i detyruar të paraqitet, ata janë të parët që largohen. Madje thuhet se Harry është distancuar edhe nga shokët e tij.
Gjatë turit në Australi, Harry mbante në gisht një unazë të zezë. Shumë besojnë se kjo unazë ishte një aparat për të kontrolluar shëndetin ai gjithashtu la edhe cigaren kur filloi të shqërohej me Meghan.
Fansat kanë vënë re ndryshime edhe në pamje përveç se në sjellje. Ai u dobësua dhe erdhi goxha në formë përpara dasës. Shumë besojnë që Harry ka filluar të ndjekë dietën e shëndetshme të bashëshortes së tij. Meghan më parë fliste dhe shkruante për dashurinë që ka ndaj ushqimit. Ai është vegane gjatë javës dhe në fundjavë shijon ushqime “të ndaluara”.
Stili i tij i të veshurit ka ndryshuar gjithashtu. Ekspertët e modës thonë se Meghan padyshim ka influencuar zgjedhjet e Princ Harry-t. Më parë ai vishej me këmisha dhe xhinse; një stil komod dhe praktik. Tani veshjet e tij janë më të kuruara dhe moderne./Opinion.al
