Një shqiptare është arrestuar nga policia italiane, pasi dyshohet se i ka zhvatur një biznesmeni italian me të cilin kishte nje marrëdhënie rreth 33.500 euro.
Fillimisht shqiptarja me inicialet N.K 29 vjec i ka kërkuar të dashurit të saj 55-vjecar një apartament në Shqipëri ku do jetonin së bashku, por pasi lidhja është ndërprerë ajo ka vijuar t’i bëjë presion se do i tregonte gjithçka bashkëshortes së tij dhe t’i zhvasë para biznesmenit që ishte i martuar, njoftojnë mediat vendase.
Kërkesa e fundit për t’i dhënë para ka qene ditën e djeshme ku rreth orës 22:00 shqiptarja së bashku me ish- të dashurin kishin lënë takim për shkëmbimin e 10 mijë eurove në stacionin hekurudhor të Padova-s. 29-vjecarja shkoi në vendin e takimin me partnerin e saj të ri, një 41-vjeçar italian nga Bari, me të cilin bashkëjetonte në provincën e Treviso-s.
Në momentin që do bëhej shkëmbimi i parave, policia ka ndërhyrë duke arrestuar shqiptaren dhe partnerin e saj të ri. Në makinën e 29-vjeçares u gjet një shishe me spraj djegës.
