Arta Marku kishte rendur para duke shkarkuar 3 prokurorë, për ti hapur rrugë ekstradimit në Itali të Nezar Seitit, e më pas të bëjë të paditurën. Kështu është shprehur kreu i grupit të PD, Edmond Spaho i ftuar mesditën e sotme në News 24. Ai tha se Seiti u largua nga Shqipëria, pikërisht për të bllokuar hetimet në vend për Saimir Tahirin.
Sipas tij, nuk ishin të rastësishme largimet dhe lëvizjet në Prokurori, ku u shkarkua drejtoresha e Marrëdhenieve me Jashtë Rovena Gashi, që duhet të verifikonte procedurën e ekstradimit. Po kështu tha ai, për të nëjtin qëllim u largua edhe kreu i prokurorisë së Tiranës dhe kreu i prokurorisë së Durrësit.
Edmond Spaho tha se qëllimi i opozitës të enjten e kaluar kur u bllokua seanca ishte pikërisht nxjerrja në pah e shkeljeve ligjore të institucioneve që lejuan këtë ekstradim. Ai përsëriti edhe një herë përdorimin politik të institucioneve ligjzbatuese. Sipas Spahos, opozita do të vazhdojë protestat dhe kundërshtitë brenda dhe jashtë parlamentit. /Opinion.al
