Cristiano Ronaldo veçse ishte atleti më i paguar në botë nga të gjitha sportet, dhe tani ai po kërkon të bëhet lojtari më i mirë i të gjitha kohërave.
Lojtari i Real Madridit e mposhti Leo Messin e Barcelonës në garën për Topin e Artë për të katërtën herë.
Vetëm Messi, me pesë çmime, i qëndron në rrugë atij. Ronaldo është njëri nga atletët më të paguar në histori. Ai kohët e fundit nënshkroi një marrëveshje të re me Real Madrid, marrëveshje kjo që do ta mbaj atë në klub për të paktën pesë sezonet e ardhshme.
Kjo marrëveshje i solli atij një shumë marramendëse parash. Në dhjetor, u lëshua formulari i taksave të Ronaldos, që zbuloi se ai kishte deklaruar fitime prej 191 milionë euro vitin e kaluar, transmeton Gazeta Express.
Në storjen e Tony Manfred dhe Melissa Stranger në Business Insider, është treguar se si i bën dhe si i shpenzon Ronaldo milionat e tij.
Më poshtë mund ta kuptoni si i fiton ai dhe si i shpenzon të gjitha ato para:
Ronaldo fitoi 88 milionë euro në 18 muaj, prej vitit 2015 e deri në qershor të vitit 2016, sipas Forbes, duke e bërë atë sportistin më të paguar në botë.
Rreth 32 milionë euro i erdhën atij nga marrëveshjet me kompani si Tag Heuer dhe Nike.
Ai gjithashtu ka marrëveshje me kompanitë si Herbalife, Castrol, Samsung dhe KFC.
Ai fiton nga Nike më shumë se 10 milionë euro në vit. Ai ka qenë pjesë e ekipit të Nike që nga viti 2003.
Marrëveshja e re e Ronaldos me Nike raportohet se do t’i sjellë atij rreth 25 milionë euro në vit për gjithë jetën e tij. Kjo i bie se kur Ronaldo të jetë 73 vjeç, ai veçse do t’i ketë marrë 1 miliardë euro nga Nike.
Ronaldo gjithashtu nënshkroi edhe një kontratë të re 5-vjeçare me Real Madridin. Kjo kontratë raportohet se vlen rreth 400,000 euro në javë ose rreth 23 milionë në vit, duke mbetur në Madrid deri në moshën 36 vjeçare.
Nëse e braktisë ndonjëherë Real Madridin, ekipi që e blen atë duhet t’i paguajë klubit 900 milionë euro për ta blerë.
Eh si i shpenzon ai paratë? Një nga gjërat më të pëlqyera të tij janë veturat. Ai vozitë një Lamborghini Aventador që vlen 300,000 euro dhe një Maserati.
Ai gjithashtu ka një Bentley, Porsche dhe një Mercedes.
Ai nuk është gjithmonë i kujdesshëm me to. Më 2009 ai përplasi një Ferrari në vlerë prej 300,000 euro në Mançester.
Ai jeton në një vilë në Madrid që vlen rreth 6 milionë euro.
Është me të vërtetë e mahnitshme.
Me të vërtetë e mahnitshme.
Kur flasim për pronat, më 2015 ai bleu një apartament luksoz në ndërtesën e Donald Trump në Manhattan për 14 milionë euro.
Ai hapi një hotel të dekoruar me futboll në vendlindjen e tij në Portugali.
Ronaldos madje i pëlqeu aq shumë statuja e tij prej dylli sa që thuhet se bëri një për vete, që ta kishte.
Por ajo origjinalja ndodhet në Madrid, në Muzeun e Dyllit.
Ronaldo është gjithashtu edhe një admirues i modës. Ai ndihet rehat në kostumet e shtrenjta siç ndjehet në fanellën e futbollit.
Ronaldo gjithashtu është tifoz i ‘krioterapisë’, ku trupi i nënshtrohet temperaturave shumë të ulëta për të ndihmuar në shërimin e muskujve dhe për të rritur përqendrimin.
Ai ka modeluar për Armani dhe ka një linjë të të brendshmeve.
Dhe raportohet se ai ka paguar rreth 20 milionë euro për të mos u paraqitur në një film që po bëhej nga Martin Scorsese.
Por ai kritikohet shumë nga tifozët kundërshtarë.
Ai nuk brengoset, duke thënë për The Guardian “Mendoj se për shkak se jam i pasur, i pashëm dhe një lojtar i mirë njerëzit ma kanë zili. Nuk mendoj se ka ndonjë shpjegim tjetër”.
Por ai ka shfaqur momente humane, si kur qau pas fitores së Topit të Artë më 2015, transmeton Gazeta Express.
Ai është edhe një bamirës i madh. Ronaldo i dha donacion rreth 200,000 euro për një qendër kanceri në Portugali dhe 100,000 euro për të shëruar një 10-vjeçar nga kanceri në tru.
Eh ky është Ronaldo!
