Një studim i kryer nga një bashkëpunim mes tre universiteteve, atij të Triestes në Itali, të Anversës në Belgjikë dhe të Pittsburgh në Amerikë, ka zbuluar mënyrën e funksionimit të qelizave të trurit të njeriut në grup, dhe jo të veçuara.
Qelizat e trurit nuk janë solitare, madje në shumicën e rasteve ato veprojnë në bashkësi, duke ndarë aktivitetin elektrik. Studiuesit kanë vëzhguar sinjale ne dy lloje neuronesh, ato nxitëse, që janë nismëtaret e veprimtarisë së neuroneve të tjera dhe ato bllokuese, të cilat bllokojnë aktivitetin e të parëve.
Gjatë eksperimenteve janë regjistruar të gjitha aktivitetet elektrike dhe ka rezultuar se qelizat stimuluese kanë tendencë individualiste, ndërsa neuronet bllokues veprojnë në grup. Zbulimi është i rëndësishëm pasi shkenca arrin të kuptojë më tepër për veprimtarinë e neuroneve dhe mënyrën e organizmit të informacioneve në tru./Opinion.al
