Kryebashkiaku Erion Veliaj prej vitesh mundohet vetëm nga një pyetje; kur do bësh fëmijë? Epo kësaj pyetjeje nuk i është shmangur dot as në emisionin “Në kurthin e Piter Pan”, ku ai ishte i ftuar mbrëmjen e djeshme. I gjendur përballë kureshtjes së fëmijëve, Veliaj është përgjigjur më konkretisht për planet e tij për të shtuar familjen.
“Ndoshta këtë vit që Ajola ka mbaruar doktoraturën jemi gati që të bëjmë një fëmijë. Unë dua shumë një gocë por të shohim”- tha Veliaj.
I pyetur se kujt dëshiron t’i ngjajë, Veliaj u përgjigj: “Ajolës, të jetë e bukur dhe e zgjuar si ajo”.
Por ai sigurisht është pyetur edhe për takimin e parë me Ajolën. Edhe pse u vu pak në siklet, ai përsëri nuk i ka lënë fëmijët pa përgjigje.
“Ajolën, si fillim e kam takuar nga disa miq tanët të përbashkët.
Disa shokë të mi, por edhe të Ajolës, më kishin thënë që ajo është vajzë e shkëlqyer. Unë thashë ‘kush është kjo vajzë kaq e shkëlqyer?” Pastaj e takova kur udhëtoja për Paris, ajo atëherë ishte studente atje”, – tha Erioni.
“Puthjen e parë ia dhashë kur e takova për herë të dytë, se herën e parë…” – tha me të qeshur kryetari i bashkisë së Tiranës.
