Ferhat vihet në kërkim të të shkuarës, por përballet me një të vërtetë që nuk e kishte pritur kurrë. Për të zbuluar të vërtet, ai bie nëgjurmët e Jusufit. Jusuf është djali i personit që Ferhat ka vrarë në moshën 12 vjeçare, djali i vrasësit të Nexhdetit. Jusuf është plagosur nga një armë zjarri dhe Ferhat detyrohet të kërkojë ndihmën e Asllësë për t’i shpëtuar atij jetën dhe për t’a bërë Jusufin të flasë. Ferhat e kupton se pas vrasjes së Nexhdetit fshihen sekrete të mëdha.
Asllë arrin t’i shpëtojë jetën Jusufit, por e ndihmon atë të largohet pa i treguar Ferhatit të vërtetën. Djali i Jusufit mendon se Ferhat i ka vrarë të atin dhe kërkon hakmarrje ndaj Ferhatit. Ai plagos Asllënë me thikë në bark, por a do të abortojë ajo? Gjyshja e Jusufit rrëfen në prokurori se djali i saj ka vrarë Nexhdetin me urdhër të Namëkut. Më pas Namëk u ka ofruar atyre një shumë të madhe parash në mënyrë që të mos zbulojnë identitetin e tij. Jigit gjen djalin e Jusufit dhe e fsheh atë në mënyrë që Ferhat të mos e vrasë. Ferhat arrin të gjejë vendin e djalit që fsheh Jigit. Jigit detyrohet t’i tregojë Ferhatit se Nexhdet ka vdekur me urdhër të Namëkut. Ferhat mbetet i tronditur.
Namëk arratiset dhe fshihet për shumë kohë nga të njohuri dhe policia. Edhe pse e di që Ferhat është në gjendje t’a vrasë Namëk nuk heq dot dorë nga Ferhati dhe rikthehet për t’a takuar atë. Ferhat mallkon Namëkun dhe fajëson atë për anën e tij të errët. Namëk nxehet dhe i tregon Ferhatit se arsyeja pse ai ka vrarë Nexhdetin është për të rimarrë dashurinë e të birit. Ferhat jo vetëm që mëson se Namëk është i ati, por edhe se Asllë dhe Jigit e kanë ditur të vërtetën, por e kanë fshehur prej tij. Si do të reagojë Ferhat? A do t’a vrasë Namëkun me duart e tij, apo do të vrasë veten? A do të mund të falë Jeterin? Jeter është e bindur që Ferhat nuk ka për t’a falur kurrë, por zbulohet se ajo mban të fshehur edhe një tjetër sekret.
