Ndërprerja e ndeshjes Shqipëri-Maqedoni për shkak të stuhisë është raportuar dhe nga mediat e huaja si një gjë e pazakontë. Imazhet nga stadiumi kanë bërë xhiro në rrjetet sociale dhe mediat sportive botërore. Më shumë rëndësi këtij lajmi i kanë kushtuar mediat nga Italia, Spanja dhe Izraeli, pasi ekipet e tyre janë pjesë e Grupit G bashkë me Shqipërinë. Gazeta spanjolle “As” shkruan se pasi u bë e pamundur vazhdimi i lojës, 15 minutat e mbetura do të luhen gjatë ditës së martë.
