Ka nisur puna për restaurimin e godinës së maternitetit “Mbretëresha Geraldinë”. Në një postim në rrjetet sociale, kryeministri Edi Rama ka postuar një video që tregon se si do të duket godina pas restaurimeve.
Kreu i qeverisë teksa bën me dije se do të ruhet godina historike, thekson se do të zgjerohen kapacitetet për nënat dhe fëmijët.
“Mirëmëngjes dhe me projektin e maternitetit “Mbretëresha Geraldinë”, ku do të ruhet e restaurohet godina historike dhe do të zgjerohen kapacitetet për nënat dhe fëmijët, me një hapësirë të re, arkitektonikisht në harmoni me godinën e origjinës, por me teknologji të standardeve europiane, ju uroj një ditë të mbarë”, shkruan Rama.
Një ditë më parë, kryeministri Edi Rama dhe Ministrja e Shëndetësisë, Ogerta Manastirliu ishin të pranishëm në ceremoninë e inagurimit të punimeve, ku u shprehën se investimi do të rrisë kapacitetet spitalore.
