Instituti i Sigurimeve Shoqërore njofton se pas vendimit të qeverisë për shpërblimet për pensionistët prej 3 mijë lekësh, nesër do të fillojë shpërndarja.
Sipas ISSH-së, Zyrat Postare të shpërndarjes së pensioneve, duke filluar nga dita e mërkurë, pavarësisht se kjo datë është festë zyrtare, deri më 31 dhjetor do të kryejnë pagesat e pensioneve dhe shpërndarjen e shpërblimit të fund-vitit 2019. “Ky shpërblim nuk humbet dhe nëse nuk tërhiqet brenda vitit 2019” sqaron ISSH-ja.
Grafiku i shpërndarjes së pensioneve dhe shpërblimit të Vitit të Ri
Në datën 25 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1-5 dhjetor.
Në datën 26 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 6-9 dhjetor.
Në datën 27 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 10-13 dhjetor.
Në datën 28 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 14-16 dhjetor.
Në datën 30 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 17-20 dhjetor.
Në datën 31 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 21-24 dhjetor, si dhe raste që nuk janë paguar sipas grafikut në ditët më përpara.
Ministrja e Financave dhe Ekonomisë, Anila Denaj sqaroi se fondi që parashikohet të jepet nga buxheti për këtë qëllim arrin në masën e 2 miliard lekëve, duke detyruar qeverinë që të rishikojë dhe njëherë me akt normativ buxhetin e këtij viti. Një vit më parë shpërblimi për këto kategori ishte në masën e 5 mijë lekëve të rinj, por ecuria e dobët e mbledhjes së të ardhurave në buxhetin e shtetit dhe dëmet që shkaktoi tërmeti kufizuan financat që të japin një shumë më të ulët këtë vit./ Opinion.al
