Pasi përfundoi fjalën kryeministri Edi Rama, ish-kryeministri Sali Berisha kërkoi të replikonte me të, por nuk iu dha fjala nga drejtuesja e seancës, Ermonela Felaj. Për këtë arsye Berisha la sallën e parlamentit dhe në një deklaratë për gazetarët tha se “kjo ishte ndërhyrje antiligjore e zonjës Felaj pasi e kuptoi që do t’i përplasja Ramës të gjitha në fytyrë”.
“Znj. Tabaku doli sipas listës së folësve, nuk është se bëri një kapërcim, nuk e pashë që të jetë ndërhyrje e z.Alibeaj, por ishte ndërhyrje absurde, kundër rregullores e znj. Felaj pasi e kuptoi që unë po dilja t’ia përplasja Ramës në fytyrë dhe ai u largua, ia mbathi, dublikoi interpelancën e ministres, sepse z. Hila predominoi plotësisht. Filloi gjysmë ore dublimin e interpelancës dhe gjysmë ore me putinizma. Do ta demaskoja para publikut. Ai iku nuk më dha fjalën ndaj dola para jush.”, tha Berisha.
