Deputetja e PS, Ermonela Felaj i është drejtuar deputetëve të opozitës me tone të larta, pasi ata nuk diskutuan 3 nismat e parashtruara nga ata vetë.
Ajo u shpreh se nismat e tyre janë thjesht për t’i shërbyer Berishës, duke theksuar se qëndrimi që mbajnë në Kuvend është në kundërshtim me atë që i kanë thënë qytetarëve.
“Qëndrimi që po mbani ju vë në kontradiktë të fortë me atë që i thoni publikut. Keni thënë kaq herë që kemi bërë nisma dhe nismat nuk diskuton mazhoranca, ndërkohë që të 3 këto nisma mazhoranca i ka diskutuar në për një.
Kur janë shtyrë ka ndodhur sepse ju nuk keni qenë në komisione, edhe sot në sallë nuk e merrni mundimin t’i shisni këto nisma. Kjo sepse nismat tuaja janë thjesht për t’i shërbyer një njeriu të vetëm, Sali Berishës. Shkoni si dele qorre pas një njeriu të vetëm”, tha Ermonela Felaj.
