Shumë njerëz u plagosën dhe të paktën dy persona vdiqën në dy sulme në kryeqytetin e Iranit, Teheran, përkatësisht në selinë e parlamentit dhe mauzoleunin e themeluesit të Republikës Islamike, Ayatollah Ruhollah Khomeini.
Shteti Islamik mori përgjegjësinë për sulmet, të cilat besohet se janë sulmet e para të mëdha të grupit terrorist brenda kufijve të Iranit. Shteti Islamik drejtohet nga militantët sunitë myslimanë dhe Irani është vendi më i madh musliman shiit në botë. Sulmet menjëherë ngritën shqetësimin se një konflikt më i gjerë sektar mund të shpërthente.
Sulmi ndaj Parlamentit ndodhi në mëngjes kur katër persona të armatosur që mbanin dy Kallashnikov dhe një armë zjarri Colt sulmuan ndërtesën. Një roje u vra dhe të paktën dy të tjerë u plagosën.
Mahdi Kiaie, zëdhënësi i Parlamentit tha se forcat e sigurisë dhe Garda e kanë nën kontroll situatën.
Sulmi në mauzoleunin Khomeini u raportua pak minuta pas sulmit ndaj Parlamentit.
Të paktën tre ose katër sulmues hapën zjarr mbi pelegrinët në mauzoleun, në Teheranin e jugut. Njëri prej tyre ishte kamikaz dhe shpërtheu gjatë sulmit.
Qeveria ka mbledhur Këshillin e Sigurimit në mesditë.
Foto: Trupi i viktimës para mauzoleunit (Associated Press)
/Opinion.al
