Humbja e thellë e Partisë Demokratike në zgjedhjet e 25 qershorit ka bërë që shumë eksponentë dhe figura të kësaj force politike të shprehin “pa doreza” kritikat ndaj kryetarit Lulzim Basha.
Ish-deputeti Genc Ruli ka folur në studion e ABC News, lidhur me situatën e Partisë Demokratike.
Ruli renditi gabimet fatale të kryetarit demokrat, Lulzim Basha.
Ndryshe nga Sali Berisha, i cili sipas Rulit nuk krijonte asnjëherë pritshmëri se kush do të ishte deputet, Basha tha ai ngjalli armiqësi në 360 gradë.
Gabimi i radhës që ka bërë Basha ishte futja e të rinjve në lista për deputetë.
“Nuk kishte pse vendoste të rinj kandidatë për deputetë. Janë forumet rinore për tu përgatitur të rinjtë ku mund të edukohen politikisht” , tha ish ministri i Ministër i Bujqësisë, Ushqimit dhe Mbrojtjes së Konsumatorit Ruli .
Logoja e PD-së ishte një tjetër gabim që evidentoi, ish deputeti Ruli.
“Logoja e PD nuk u pa gjëkundi në fushatë, logoja në një parti është simbol”.
Por, Ruli tha se termi i përdorur Republikë e Re, gjatë gjithë fushatës, ishte një tjetër PD humbi.
“Termi i përdorur Republikë e Re ishte një budalllallëk me okë. Është një imitim i Ramës, i cili premtoi Rilindje të Shqipërisë, Basha premtoi që do të Rilindte Republikën./tv.klan.al
