Presidenti, Ilir Meta në një prononcim për mediat këtë të enjte ka deklaruar se zgjedhjet e pjesshme vendore janë një proces i rëndësishëm për të rehabilituar procesin e votës së lirë.
Nga Shkodra, Kreu i Shtetit është shprehur se nuk duhet të harrojmë se brenda pak muajsh presim hapjen e negociatave me BE dhe për këtë arsye sipas tij duhet t’i konsiderojmë këto zgjedhje si një moment të rëndësishëm.
“Problemet me të cilat ndeshet vendi ynë prej kohësh kanë të bëjnë me respektimin që duhet të kemi të gjithë ndaj institucionit të votës së lirë, si qytetarë dhe si anëtarë të forcave të ndryshme politke e shumë pasoja kanë ardhur edhe për shkak të bojkoteve në të kaluarën.
Aktorët politikë të gjithë të dëshmojnë reflektimin e duhur dhe ti shërbejnë një procesi shembullor që do jenë në vëmendjen e institicioneve që kanë bërë vërejtje për standartet e zgjedhjeve”, tha Meta.
