TIRANE– Shullazi është kryefjala sot në Parlament. Kryeministri Rama, Ministri i Brendshëm, Tahiri, ish-kryeministri Berisha, kreu i grupit të PD Paloka, ish-kryeparlamentarja Topalli, të gjithë flasin vetëm për Shullazin. Me akuza dhe kundërakuza: Më pranë kujt është Emiljano Shullazi? Dhe kush e arrestoi Shullazi, Policia apo Prokuroria?
Në këtë mori akuzash ka surprizuar Ministri i Brendshëm, Saimir Tahiri i cili tha “hajde të ngremë një Komision Hetimor Parlamentar për të nxjerrë njëherë e mirë se si qendron e vërteta për arrestimin e Emiljano Shullazit. Verifikoni, hyni në çdo dokument dhe shikoni kush ka vepruar dhe kush jo”.
Tahiri vijoi: Nëse ky komision ngrihet duhet të bëni një premtim që ato letra ti bëni publike dhe Ai që nuk ka bërë detyrën të shkarkohet nga Kuvendi. Ai që nuk ka bërë detyrën të marrë faturën. Të tjerat janë zhurma tuaja klasike për të zhdukur punën e policisë. Askush nga ju nuk më bën dot moral për detyrën time”.
Kjo deklaratë e Tahirit përkthehet ndryshe: “Nëse s’kam kryer detyrën më shkarkoni mua, nëse nuk e ka kryer Kryeprokurori Llalla, shkarkoni atë”.
