Gjykata e Krimeve të Rënda ka dhënë vendimin përfundimtar për Emiljano Shullazin dhe anëtarët e bandës së tij.
Shullazi dënohet përfundimisht me 14 vite burgim për disa vepra penale si ajo e krijimit të një grupi të sturkturuar kriminal, ndërsa është shpallur i pafajshëm për kërcënimin ndaj rektorit të Universitetit të Tiranës, Mynyr Koni dhe paraardhësit të tij, Dhori Kule.
Ai është shpallur fajtor për shtrëngim dhe kanosjes për dhënie pasurie në dëm të biznesmenit Ylvi Beqaj si dhe për krijim të grupit të strukturuar kriminal.
Dënimi për Emiljano Shullazin:
12 vjet për akuzën “shtrëngim me anë të kanosjes për dhënie pasurie në dëm të shtetasit Ylvi Beqaj”
10 vjet burg për “shtrëngim me anë të kanosjes për dhënie pasurie në dëm të shtetasit Jani Zaka, kryer në bashkëpunim”.
I pafajshëm për shkatërrimin e pronës me eksploziv në dëm të shtetasit Jani Zaka.
I pafajshëm për shtrëngim të dhënies së pasurisë për shtetasin Adriatik Kërçuku, pasi nuk provohet fajësia e tij.
I pafajshëm për shkatërrimin e pronës me eksploziv në dëm të shtetasit Adriatik Kërçuku.
Deklarimin e pafajshëm të Emiljano Shullazit të kanosjes për shkak të detyrës për shtetasin Mynyr Koni, pasi nuk provohet fajësia e tij.
Deklarimin e pafajshëm të Emiljano Shullazit të kanosjes për shkak të detyrës në dëm të shtetasit Dhori Kule, i kryer në bashkëpunim në formën e grupit të strukturuar kriminal, pasi nuk provohet fajësia e tij.
Deklarimin fajtor të shtetasit Emiljano Shullazi për grup të strukturuar kriminal, me 8 vite burgim.
Në zbatim të nenit 55 të Kodit Penal, për caktimin e dënimit për disa vepra penale, i pandehuri Emiljano Shullazi dënohet me një burgim të vetëm prej 14 vitesh burgim.
Gjykata për Krimet e Rënda dha të martën 55 vjet burg për Emiliano Shullazin dhe 4 anëtarët e tjerë të bandës së tij, të akuzuar për krijim të grupit të strukturuar kriminal, kanosje për shkak të detyrës dhe shtrëngim me anë të kanosjes për dhënie pasurie.
Kështu, për Emiliano Shullazin gjykata dha 14 vjet burg nga 17 vite që kishte kërkuar Prokuroria. Gilmando Dani u dënua me 12 vjet burg, Endri Zela dhe Endrit Qyqja me nga 10 vjet burg, ndërsa Blerim Shullazi u dënua me 9 vjet burg.
Në seancën e kësaj të marte u dëgjua fjala e palës mbrojtëse e 4 të pandehurve Zela, Qyqja, Dani dhe Blerim Shullazit. Të pandehurit nuk ishin të pranishëm në sallën e gjyqit, por përfaqësoheshin nga avokatët e tyre. Mbrotja e Emiliano Shullazit u paraqit në seancën e mëparshme.
Prokuroria për Krimet e Rënda kishte kërkuar në total 64 vjet burg për 5 të pandehurit. Menjëherë pas dhënies së vendimit, avokatët paralajmëruan apelimin e tij
