Arta Marku ka vendosur të ndëshkojë prokurorët e Krimeve të Rënda të cilët refuzuan të marrin pjesë në shortin për dosjen “Shullazi”. Kujtojmë se 1 ditë më parë prokurorët i kanë dalë nga zyra shefes së krimeve të rënda, Donika Prela, duke thënë se shorti për një dosje hidhet kur kanë dhënë dorëheqjen prokurorët e mëparshëm. Sipas tyre ky nuk është rasti kur duhet të zgjidhen me short për të dhënë pretencën për Shullazin. Në këtë histori, Arta Marku është vendosur në krah të Donika Prelës dhe kundër gjithë prokurorëve të Krimeve të Rënda.
Më poshtë njoftimi i plotë i zyrës për mediat në Prokurorinë e Përgjithshme
Prokurori i Përgjithshëm znj. Arta Marku duke marrë shkas nga ngjarja e fundit e datës 19 shtator 2018 në Prokurorinë pranë Gjykatës së Shkallës së Parë për Krime të Rënda, Tiranë, mbi refuzimin nga ana e prokurorëve për hedhjen e shortit në procedimin penal në gjykim në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi, për kryerjen e veprave penale parashikuar nga nenet 109/b; 333/a; 334 etj.të Kodit Penal urdhëroi fillimin e hetimit disiplinor ndaj prokurorëve:
Olsian Çela
Përparim Kulluri
Behar Dibra
Sonila Muhametaj
Arenc Çela
Edvin Kondili
Pranvera Pustina
Eugen Beçi
Blerim Tominaj
Besim Hajdarmataj
