Ka ndërruar jetë shkrimtari, skenaristi dhe poltikani Teodor Laço në moshën 80-vjeçare, mengjesin e 15 Tetorit.
Lajmi është konfirmuar nga familja e shkrimtarit Laço.
Teodor Laço u lind në Dardhë të Korçës, në 27 shtator 1936. Me një diplomë në bujqësi në vitin 1958 punon si agronom e zv/kryeagronom në Seksionin e Bujqësisë të Komitetit Ekzekutiv, Korçë.
Por ky ishte vetëm një segment jete. Për më tej do ta udhëhiqnin letrat. Mes viteve 70-‘74 punon në Sektorin e Letërsisë në Lidhjen e Shkrimtarëve dhe Artistëve.
Shkrimtari dhe politikani Teodor Laço është një emër i njohur në vend, madje nuk ka shqiptar të mos ia ketë dëgjuar emrin, t’i ketë lexuar një libër, a të ketë parë një film me skenar të tij.
Në fushën e letërsisë ai do t’i bëhej i njohur për publikun që me romanin e tij të parë në vitin 1970 “Tokë e ashpër”. Më pas do të vazhdonin “Portat e dashurisë”, “Korbat mbi mermer”, “Një ditë dhe një jetë”, “Zemërimi i një njeriu të urtë”, etj.
Të shumta do ishin pjesët që ai do shkruante për kinematografinë e teatrin bashkë, ku mund të përmendim skenarët e filmave, “Streha e re”, “Përballimi”, “Shtëpia jonë e përbashkët”, “Dhe vjen një ditë”, “Flutura në kabinën time” etj., ndërsa në teatër kujtojmë komedinë “Shi në plazh”, dramën “Kambanat e muzgut”…
