Është ndarë nga jeta sot kompozitori i njohur Aleksandër Lalo si pasojë e një ataku kardiak. Lalo ishte 68 vjeç. Ai ka lindur më 27 prill të vitit 1949, në Tiranë. Së fundmi kompozitori i njohur merrte pjesë në jurinë e spektaktit C’est la vie në Tv Klan i cili transmetohet çdo të diel në mbrëmje.
Aleksander Lalo, kompozitori që dhënë një kontribut te madh në muzikë dhe kinematografi si kompozitor i rreth 25 filmave artistike dhe disa filmave vizatimore. Lalo është edhe një nga kompozitorët më të njohur dhe të dashur të muzikës së lehtë.
Shumë këngë të tij ishin të dashura për rininë në kohën që u kompozuan (vitet ’80) por ato vazhdojnë me po atë sukses të rikendohen edhe mbas shumë vitesh.
Lalo si njohës shumë i mirë i orkestres ka dhënë edhe një kontribut të madh në orkestracion, përvec kompozimeve të tij ai ka orkestruar një numër të madh të kompozimeve qofshin këto të muzikës së lehtë apo vepra.
Këto janë disa prej kompozimeve të Aleksandër Lalos:
Tingujt e harresës (1996) (TV)
Historiani dhe kameleoni (1989)
Treni niset më shtatë pa pesë (1988)
Dy herë mat (1986)
Fjalë pa fund (1986)
Asgjë nuk harrohet (1985)
Fushë e blertë fushë e kuqe (1984)
Era e ngrohtë e thellësive (1982) (TV)
Një vonesë e vogël (1982)
Shi në plazh (1982)
Shtëpia jonë e përbashkët (1981)
Thesari (1981)
Gëzhoja e vjetër (1980)
Nusja (1980)
Vajzat me kordele të kuqe (1978)
Tomka dhe shokët e tij (1977)
Dimri i fundit (1976)
Emblema e dikurshme (1976) (TV)
Duke kërkuar 5-orëshin (1974)
Odiseja e tifozëve (1972)
Të shoh në sy(1986)
Një gjeneral kapet rob (1980)
