Deputeti i PS, Pandeli Majko ka kërkuar ndjesë për incidentin me gazetarët teksa po futej në sallën e Kuvendit.
Në seancën parlamentare, Majko mori fjalën për të kërkuar falje, ndërsa theksoi se ndjen në veçanti i kërkoi gazetares që ishte shtatzënë.
“Dëshiroj të shpjegoj se e vlerësova që të kërkoj një ndjesë karshi gazetarëve për shtyrjen e mikrofonave sot në mëngjes. Ndjesën më të veçante ja kërkoj gazetares që ka qenë shtatzënë”, tha ai.
Kujtojmë se para nisjes së seancës parlamentare, Majko u pyet nëse ndihet i rrezikuar që ai do të jetë në listën e hapur të kandidatëve për deputetë në zgjedhjet e ardhshme.
Ai zgjodhi të mos flasë për këtë çështje dhe largoi me forcë mikrofonin e gazetares.
