Përplasje të forta ka patur këtë të enjte mes gardës dhe deputetëve të Partisë Demokratike në hyrje të Kuvendit. Garda ka ndaluar deputetët e opozitës që të hyjnë në ambientet e Kuvendit.
Ndërkaq në një moment gjatë tensioneve, Deputeti Flamur Noka shihet teksa shtyn një efektiv të gardës dhe thyen xhamin e derës kryesore.
Deputetët e PD pretendojnë se garada po bllokon edhe hyrjen e deputetëve që nuk janë të përjashtuar.
“Është i papërjashtur pse e pengon?!”- dëgjohet të thotë kreu i grupit parlamentar të PD, Gazment Bardhi, duke iu referuar deputetit Dash Sula, i cili tenton të hyjë duke u hedhur sipër efektivëve të gardës.
Kujtojmë se deputetët e përjashtuar janë: Ervin Salianji, Bledjon Nallbati, Asllan Dogjani, Lefter Gështenj, Isuf Çelaj, Luan Baçin dhe Xhelal Mziu, Sali Berisha, Flamur Noka, Eldo Hoti, Gazmend Bardhi, Albana Vokshi, Edi Paloka.
