Gjatë protestës së zhvilluar pasditen e sotme në Bulevardin Dëshmorët e Kombit u dogjën edhe flamujt e Serbisë.
Flamujt serb ishin vendosur në shtyllat përgjatë bulevardit, ndërsa shtyllat ishin lyer me graso në formë që protestuesit mos të ngjiteshin në to.
Mirëpo ky fakt nuk i ka ndalur protestuesit t’i djegin flamujt e Serbisë, pasi ata kanë gjetur një metodë. Ata përdorën një zgjatues të ndezur për t’iu vënë flakën flamujve përgjatë bulevardit.
Flamujt serb janë vendosur si dekor në kryeqytet për ardhjen e Vuçiçi në vendin tonë. Vizita e tij ishte paralajmëruar pasi në Shqipëri do të zhvillohen takimet e radhës në kuadër të nismës “Open Balkan”./Opinion.al
