Avokatët e Arben Ahmetaj do të kërkojnë shtyrjen e mbledhjes së Këshillit të Mandateve për ditën e nesërme.
Sipas burimeve të “Opinion.al” avokatët do të paraqiten në mbledhje që ishte parashikuar të mbahej në orën 16:00, por do të kërkojnë më shumë kohë për t’u njohur me dosjen e SPAK e cila është voluminoze.
Pas kërkesës së avokatëve, pritet që vendimi për Ahmetjan të merret ditën e nesërme. Kujtojmë se ditën e djeshme SPAK i kërkoi Kuvendit autorizim për arrestimin e Ahmetaj, i cili akuzohet si i përfshirë në aferën e inceneratorëve.
